انت ملاك بشكل انسانه
معقول خلقه هيك خلقانه
فيكي مكمل ربنا الاوصاف
وسحره جمالك ما اله ثاني
جبينك بنوره كالبدر شفاف
وعيون احلا عيون غزلاني
منها السحر يا فاتنه بيخاف
خلقه الكحل ع جفون نعسانه
حير الميل وقال يا الطاف
ورموش مثل سيوف رنانه
تذبح القلب ال شاهدك او شاف
وشعرك مثل شلال رباني
مفرود بيرفرف على الاكتاف
وخدود كالتفاح حليانه
شفافك جمر ما في مثلها شفاف
نسكر بلا خمر وبلا قناني
ومن دون شك ومن عدا اجحاف
اطيب كرز حالي على لساني
وضحكه مثل عطر الورد هفهاف
ومن ضحكتك بتزول احزاني
ولما خيالي بوصف كرمك طاف
رمان كرمك حلو لفاني
بيقول دونك من ورا النفناف
والقد مايس يا غصن بان - ي
والخصر بتمايل مثل صفصاف
بلبل بيتمايل ع رمانه
هالكرم لوح صار بده قطاف
وقلوب تشعل نار ولعانه
وتا قول حق واشهد بانصاف
من دون لف وكذب ي خواني
بترك صلاته والديانه عاف
لو شيخ شافك الف غناني
ومثله انا تمردت ع الاعراف
ساعة ما شفتك هيك حرزانه
شاعر غزل هالحسن خلاني
===
محمود شبيب 
===
الرئيسية 
