عيونك جريئه كالطفل هيي
لكن سهمها صايب ومسنون
حبيتك بلهفه وشفافيه
وانت بغيري يا حلو مفتون
صبيت لك كاسات حنيه
وحدك انت عا هالقلب بتمون
عيشتك بكيف ورفاهيه
وما كنت لحظه شاكر وممنون
سنيني الك شمعات مضويه
وتبقى الك كيف ما ردت بتكون
قلبي وهبتك دون منيه
يا للاسف وطلعت مش مضمون
وبعطف دللتك ع ايديي
طلعت عليك العشره عم بتهون
انتا نكرته مش بعفويه
باصرار مسبق بالغدر مشحون
عن قصد منك سوء بالنيه
وقلبي باحساس الوفا معجون
ومن كثر ما بتكذب عليي
وبتغدر وبتخادع وبتخون
الدم صاير دمع عينيي
ومن جرحك القلب الوفي محزون
من اليوم وطالع ما بقا فيي
بحلف انا بالله ونبيي
حرمتني اعشق لاي عيون
لو كان ساكنها عشق مجنون
=== محمود شبيب ===